De ynderlike wrakseling fan de Friezen oer de takomst fan it Frysk en fan Fryslân: Goffe Jensma hâldt de Fryske Beweging en de Fryske polityk in spegel foar

Goffe Jensma hat koartby op net al te fleurige wize ôfskie nommen as heechlearaar Frysk yn Grins. Likegoed hat er de moed opbrocht om in bondel te meitsjen (mei help fan in redaksje) fan stikken dy’t er de lêste tweintich jier oer Fryslân skreaun hat. It boek Exit Fryslân is tige lêsber, Jensma hat in skerpe en heldere styl.