SportTwente Sport
Pyg(gel)mee
Ik zol et oaver de val van et kabinet können hebben. Joa jongs wat een spul, zo op nen vriedagoavend. Oaver griemkebaas Rutte, den as zelf gin gezin hef en et dus een ander ook neet gönt. Oaver ‘n alverdan mear racistischen of gewoon hardop moorddöadigen drek wat ik van kunnigen op Facebook vuurbie zee kommen. Mer wat ne beste leu zi’w toch! Of oaver de Poete en ziene speciale militaire operatie in zien noaberland, mer ik denke neet at he et les, dus wat he’j der an. Ook zo’w ons onmundig drok können maken oaver ’n eersten wolvenanval, in Drenthe. Dat den oetedaagd en opejaagd wör duur nen boer en toen oet nood van zik ofbeet. Of dat dat deer helemoal niks te zeuken hef bie dee sköape. Of wovölle hunde joarliks wichter griept. Of et ciefer van boeren dee onder de bolle komt.
Je gaat naar de website van de uitgever. Hier tonen we alleen een korte intro.