Provinsje stipet sjonger Joost Klein om nei Eurofyzje Sjongfestival

De 25-jierrige sjonger Joost Klein fan Britsum giet derfoar: hy wol takomme jier foar Nederlân nei it Eurofyzje Sjongfestival yn Sweden. Deputearre fan kultuer Sijbe Knol wol de sjonger helpe. Dêrfoar spruts er tiisdei 26 septimber syn stipe út by radiostjoerder 3FM en ûndertekene er de petysje ‘Joost Klein moet naar Eurovision 2024!’ dy’t troch de stjoerder úteinset is.