Binnenland·Koudum.nl·8 dec 2023

Koudumer column fan Jelle van der Meulen

Ik ha net in soad mei de krysttiid en as ien tsien jier ferlyn tsjin my sein hie dat ik de ingel Gabriël spylje soe yn in krystspul, soe ik him of har foar gek ferklearre hawwe. Mar ja, doe wenne ik noch yn Castricum en no wenje ik yn Koudum en dat is wat oars. Dus doe’t Doede oan ‘e doar kaam en frege oft ik meidwaan woe mei ‘de krystbelibbing’ 2023 – om’t se by it ynsjen fan it skript by de rol fan de ingel Gabriël fuort oan my tocht hiene – sei ik ja.