Doede Wiersma: Frij, frij, wy binne frij!

Wanda Poltawska siet fjouwer jier yn it frouljuskonsintraasjekamp Ravensbrück. Se makke de skriklikste dingen mei: gjin of te min iten, swier wurk, sykten, mishanneling, de beruchte medyske eksperiminten, alle dagen deaden by boskjes. Sy oerlibbe it. Op ’e dei fan ’e befrijing klom se op de wachttoer fan it kamp en rôp sa lûd as se koe: “Frij, frij, wy binne frij!”